නිරිතදිග බෙංගාල බොක්ක මුහුදු ප්රදේශයේ පවතින පීඩන අවපාතය ත්රිකුණාමලය සිට කිලෝ මීටර 370 ඊසාන දෙසින් ස්ථානගතව පවතින බවත් මෙම පද්ධතිය ඉදිරි පැය 48 තුල දිවයින හරහා ගමන් කිරීමේ හැකියාවක් පවතින බවත් කාලගුණ විද්යා දෙපාර්තමේන්තුව පවසනවා.
ඒ අනුව අද (24) සහ ඉදිරි දින කිහිපයේදී (25 සහ 26) දිවයිනේ බොහෝ ප්රදේශ වල වැසි සහ සුළං තත්ත්වයේ වැඩිවීමක් අපේක්ෂා කරන බවයි එම දෙපාර්තමේන්තු පැවසුවේ
එමෙන්ම උතුරු, නැගෙනහිර, උතුරු-මැද සහ වයඹ පළාත්වල විටින් විට වැසි ඇති වන අතර ඇතැම් ස්ථාන වලට මිලි මිටර 100ට වැඩි තද වැසි ඇතිවීමේ හැකියාව පවතින බව සඳහන්.
සෙසු ප්රදේශවල සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැකියි.
උතුරු, නැගෙනහිර, වයඹ, බස්නාහිර සහ සබරගමුව පළාත්වලත් ගාල්ල සහ මාතර දිස්ත්රික්කවලත් විටින් විට හමන පැයට කිලෝ මීටර (40-50)ක පමණ තද සුළං ඇතිවිය හැකි බවයි කාලගුණ විද්යා දෙපාර්තමේන්තුව සඳහන් කළේ.
