රට තුළ පැතිර යන නව ඩෙංගු ප්රභේදයත් සමග ඉදිරියේ දී තවදුරටත් ඩෙංගු රෝගීන් වාර්තා වීම ඉහළ යා හැකි බව ශ්රී ජයවර්ධනපුර විශ්ව විද්යාලයේ ආසාත්මිකතා, ප්රතිශක්ති විද්යා හා සෛල ජීව විද්යා ආයතනයේ අධ්යක්ෂ මහාචාර්ය වෛද්ය චන්දිම ජීවන්දර මහතා පවසයි.
මේ හේතුවෙන් ඩෙංගු මදුරුවන් බෝ වන ස්ථාන පිළිබද ජනතාව අවධානයෙන් සිටිය යුතු බව වෛද්ය චන්දිම ජීවන්දර මහතා සදහන් කළේය.
මේ අතර දරුවන්ගේ ඩෙංගු ප්රතිදේහ පිළිබඳ අධ්යයනයක් ද ශ්රි ජයවර්ධනපුර විශ්ව විද්යාලය විසින් සිදුකර තිබේ.
මහාචාර්ය වෛද්ය චන්දිම ජීවන්දර මහතා සදහන් කළේ ඉදිරියේ දී ඩෙංගු රෝගය සදහා එන්නත් ලබාදෙන්නේ නම් මෙම දත්තයන් ඉතා වැදගත් වනු ඇති බවය.
මේ අතර බස්නාහිර පළාතේ ඩෙංගු රෝගීන්ගේ වැඩිවීම පාලනය කිරීම සඳහා ඩෙංගු කාර්ය සාධක බලකාය සක්රීය කරන ලෙස ජනාධිපති රනිල් වික්රමසිංහ මහතා උපදෙස් ලබා දී තිබේ.
බස්නාහිර පළාත් ආණ්ඩුකාරවරයාට, ප්රධාන ලේකම්වරයාට සහ දිස්ත්රික් ලේකම්වරයාට අදාළ උපදෙස් ලබා දී ඇති බව ජනාධිපති මාධ්ය අංශය සඳහන් කළේය.
රාජ්ය ආයතනවල සහ මහජනතාවගේ සහයෝගය ඇතිව පළාතේ ඩෙංගු ව්යාප්තිය පාලනය කිරීම සදහා ඩෙංගු කාර්ය සාධක බලකාය සක්රීය කරන ලෙස ජනාධිපතිවරයා මෙහිදී උපදෙස් ලබා දී තිබේ.
