අද (22) දින උද්ඝෝෂණයේ යෙදෙන පිරිස් වෙත අධිකරණයෙන් විශේෂ නියෝගයක් සිදුකර තිබේ.
පොලිස් මාධ්ය කොට්ඨාසය නිවේදනයක් නිකුත් කරමින් මේ බව සඳහන් කර ඇත.
එහි සඳහන්ව ඇත්තේ උද්ඝෝෂකයින් පිරිසක් කොටුව ප්රදේශයට එක්වී පාගමනින් ජනාධිපති ලේකම් කාර්යාලය ඇතුළු වෙනත් ගොඩනැගිලිවලට ඇතුළු වීමට සැලසුම් කර ඇති බවට කොටුව පොලිස් ස්ථානාධිපතිවරයාට ලද තොරතුරක් මත එම විරෝධතා තහනම් කරන ලෙස කොටුව මහෙස්ත්රාත් අධිකරණය වෙත ඉල්ලීමක් ඉදිරිපත් කළ බවය.
ඒ අනුව උද්ඝෝෂකයින් හා මහජනතාව අතර ගැටුම්කාරී තත්ත්වයක් හා නොසන්සුන්කාරී තත්ත්වයක් ඇති වීම මහජන පීඩාවක් ඇති විය හැකි බැවින් අද උදෑසන 11 සිට රාත්රි 7 දක්වා කොළඹ කොටුව ප්රදේශයේ මාර්ගවලට අවහිරතාවයක් සහ මහජනතාවට මෙන්ම මගී වාහන වාහනවලට බාධා කිරීම් නොකරන ලෙසට අධිකරණය ආඥාවක් නිකුත් කර තිබේ.
එමෙන්ම ජනාධිපති කාර්යාලය, ජනාධිපති මන්දිරය, මුදල් අමාත්යංශය හා ගාලුමුවදොර පිටිය පරිශ්රය යන ස්ථානයන්ට ඇතුළු වීමෙන් වළකින ලෙසටත් පොදු හා පෞද්ගලික හානි නොකරන ලෙසටත් නියෝග කරමින් වගඋත්තරකරුවන් 9දෙනෙකුට හා ඔවුන් සමග සහභාගී වෙන වෙනත් තැනැත්තන් වෙත අධිකරණයෙන් එම ආඥාව නිකුත් කර ඇත.
කෙසේ වෙතත් අප වාර්තාකරුවන් පැවසුවේ, රජයේ නව බදු ප්රතිපත්තියට එරෙහිව වරාය, විදුලි, ඛනිජ තෙල්, බැංකු, සෞඛ්ය ඇතුළු වෘත්තීය සමිති විසින් කොටුව දුම්රිය පොළ ඉදිරිපිට පැවැත්වූ විරෝධතාව මේ වනවිට අවසන් කර ඇති බවය.
ඔවුන් විසින් ප්රකාශයට පත් කළ සතියට සමගාමීව එම විරෝධතාව සංවිධානය කර තිබුණි.
ඒ අනුව අද දහවල් 12ට කොටුව දුම්රියපොළට රැස් වූ වෘත්තිය සමිති නියෝජිතයින් පැයක පමණ කාලයක් විරෝධතාවයේ නිරත වූ බව “අද දෙරණ” වාර්තාකරු පැවසුවේය.
එම විරෝධතාව හේතුවෙන් කොටුව දුම්රියපොළ ඉදිරිපිට මාර්ගය අවහිර වී තිබූ බවද සඳහන්ය.
