පුද්ගලයින්ගේ ශරීර අවයව මුදලට ලබා ගැනීම සඳහා තැරැව්කරුවෙකු ලෙස පෙනීසිටි පුද්ගලයෙකු වැල්ලම්පිටිය ප්රදේශයේදී කොළඹ අපරාධ කොට්ඨාශය විසින් අත්අඩංගුවට ගෙන තිබේ.
කොළඹ අපරාධ කොට්ඨාශයේ නිලධාරීන් විසින් සිදුකළ විමර්ශනයකදී ජංගම දුරකථන 02ක් සමග එම සැකකරු අත්අඩංගුවට ගෙන ඇති බව පොලීසිය පැවසුවේය.
බොරැල්ල ප්රදේශයේ පිහිටි පුද්ගලික රෝහලක් මගින් දිළිඳු පවුල්වල පුද්ගලයින් මුලා කරමින් ඔවුන්ට මුදල් ලබාදෙන බව පවසා වකුගඩු ලබා ගැනීමේ සිද්ධියක් පිළිබඳව කාන්තාවක් ඇතුළු පුද්ගලයින් 05 දෙනෙකු බොරැල්ල පොලීසියට පැමිණිල්ලක් සිදුකර තිබුණි.
අදාළ පැමිණිල්ලට අනුව කොළඹ අපරාධ කොට්ඨාශය සිදුකළ විමර්ශනවලදී කොළොන්නාව ප්රදේශයේ පදිංචි 53හැවිරිදි එම සැකකරු අත්අඩංගුවට ගෙන තිබේ.
අත්අඩංගුවට ගත් සැකකරු අද (31) දින අලුත්කඩේ මහෙස්ත්රාත් අධිකරණය වෙත ඉදිරිපත් කිරීමට නියමිත අතර කොළඹ අපරාධ කොට්ඨාශය මේ පිළිබඳව වැඩිදුර විමර්ශන සිදුකරයි.
