කොළඹ වරාය නගරයේ (Colombo Port City) ‘ප්රයිම් මරීනා’ (Prime Marina) නමින් නව ලෝක මට්ටමේ සුඛෝපභෝගී නිවාස ව්යාපෘතියක් හඳුන්වා දී ඇත.
ප්රයිම් (Prime) සහ මෙල්වා (Melwa) යන ප්රබල සමාගම් දෙකෙහි මෙම ඒකාබද්ධ ව්යාපෘතිය, දකුණු ආසියාවේ සුඛෝපභෝගී නේවාසික ජීවන රටාව සඳහා නව ප්රමිතියක් ඇති කර තිබේ.
ප්රයිම් සහ මෙල්වා සමාගම් එක්ව, කොළඹ වරාය නගරයේ ‘ප්රයිම් මරීනා’ අලෙවි ප්රදර්ශනාගාරය (Sales Gallery) අතිඋත්කර්ෂවත් ලෙස විවෘත කර ඇත.
මෙය මෙම කලාපයේ පළමු වරට ඉදි කරන ලද ඓතිහාසික වශයෙන් සුවිශේෂී ස්ථානයකි.
කොළඹ වරාය නගරයේ මධ්යයේ පිහිටා ඇති මෙම ජලාශ්රිත පරිශ්රය, ඉන්දියන් සාගරය සහ මරීනා එකට මුසුවන කේන්ද්රස්ථානය බවට පත්ව ඇත.
නිදන කාමර 1, 2, 3 සහ 4 කින් සමන්විත සුඛෝපභෝගී මහල් නිවාස මෙහි ඉදිවීමට නියමිතය.
මෙහි ගෘහ නිර්මාණ ශිල්පය සිංගප්පූරුවේ ‘P&T Singapore’ සමාගම ද, අභ්යන්තර සැලසුම්කරණය ‘Index Design Pvt Ltd’ සමාගම ද, භූමි අලංකරණ කටයුතු එක්සත් රාජධානියේ ‘Grant Associates’ සමාගම ද විසින් සිදු කරනු ලබයි.
ප්රයිම් සමූහයේ සම-සභාපතිනී සඳමිණි පෙරේරා මහත්මිය අදහස් දක්වමින් පවසා සිටියේ, ‘අපගේ ඉලක්කය ශ්රී ලංකාව නොව, අපගේ ඉලක්කය ලෝකයයි’ යනුවෙනි.
